LA 

ພິທີລົງນາມການຮ່ວມມື ໂຄງການສູນການຄ້າສາກົນບຶງທາດຫຼວງ (ໄລຍະທີ່ I)

   

ໃນວັນທີ 21 ກໍລະກົດ 2025 ທີ່ຜ່ານມາ, ໄດ້ມີພິທີລົງນາມການຮ່ວມມື ໂຄງການສູນການຄ້າສາກົນບຶງທາດຫຼວງ ( ໄລຍະທີ່ I) ໄດ້ຈັດຂຶ້ນທີ່ເຂດເສດຖະກິດພິເສດບຶງທາດຫຼວງ ສປປ ລາວ, ການລົງນາມຄັ້ງນີ້ ຖືເປັນບາດກ້າວ 1 ທີ່ ສຳຄັນ ຂອງເຂດເສດຖະກິດພິເສດບຶງທາດຫຼວງ ທາງດ້ານການຄ້າລະຫວ່າງ ປະເທດ ແລະ ເປັນແຮງຈູງໃຈອັນສຳຄັນໃນການສ້າງຮູບແບບການພັດທະນາແບບບູຮານນະການ ທີ່ຫຼາກ ຫຼາຍທາງດ້ານ “ວັດທະນະທຳ ການທ່ອງທ່ຽວ ການຄ້າ ແລະ ສັນທະນາການ ໃນເຂດເສດຖະກິດພິເສດແຫ່ງນີ້”
ພິທີລົງນາມການຮ່ວມມືໂຄງການຄັ້ງນີ້ໄດ້ຮັບການສະໜັບສະໜູນຢ່າງເຕັມທີ່ ຈາກການນຳທັງສອງປະເທດ ລາວ ​ແລະ ຈີນ ແລະ ບັນດາວິສາຫະກິດທີ່ເປັນເພື່ອນມິດສະຫາຍ. ເຊິ່ງເຂົ້າຮ່ວມ ໂດຍ ທ່ານ ບຸນເຖິງ ດວງສະຫວັນ ຮອງລັດຖະມົນຕີ, ຮອງປະທານ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ, ທ່ານ ສອນປະເສີດ ດາລາວົງ, ຫົວໜ້າຫ້ອງການສົ່ງເສີມ ແລະ ຄຸ້ມຄອງບໍລິຫານເຂດເສດຖະກິດພິເສດທົ່ວປະເທດ, ແລະ ທ່ານ ທະນົງໄຊ ຄຸດໄພທູນ, ຫົວໜ້າຄະນະຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ ໄດ້ເຂົ້າຮ່ວມພິທີລົງນາມ ແລະ ເປັນສັກຂີພິຍານ ໃຫ້ ການລົງນາມເຊັນສັນຍາ ລະຫວ່າງທັງສອງຝ່າຍ ທ່ານ ຫວງ ກົວຜິງ ປະທານ ເຂດ ເສດຖະກິດພິເສດບຶງທາດຫຼວງ ແລະ ທ່ານ ແຢ໋ນ ເຄີໝິງ ປະທານ ບໍລິສັດ ການຄ້າສາກົນ ລາວ ຈຳກັດ.
ໃນພິທີເຊັນສັນຍາດັ່ງກ່າວ, ທ່ານ ຫວງ ກົວຜິງ, ປະທານເຂດເສດຖະກິດພິເສດບຶງທາດຫຼວງ ຍັງໄດ້ກ່າວເພີ່ມເຕີມກ່ຽວກັບແນວຄິດການພັດທະນາລວມ ​ແລະ ​ແຜນພັດທະນາ​ຂອງ​ເຂດເສດຖະກິດພິເສດບຶງ ທາດຫຼວງໃນໄລຍະຕໍ່ໄປໂດຍລະບຸວ່າ:​ໂຄງການທີ່ໄດ້ລົງນາມດັ່ງກ່າວນີ້ ສູນການຄ້າສາກົນບຶງທາດຫຼວງ ​ແມ່ນ​ຈະ​ສຸມໃສ່ຮູບແບບການພັດທະນາການຄ້າ, ການຈັດເກັບສິນຄ້າ, ການຂົນສົ່ງ, ງານສູນ
ວາງສະແດງສິນຄ້າ, ການຄຸ້ມຄອງລະບົບຕ່ອງໂສ້ການສະໜອງ ​ແລະ e-commerce ​ແຫ່ງ​ຊາດ, ສ້າງສູນການຄ້າໃນ​ພາກພື້ນທີ່ມີມີຄວາມຫຼາກຫຼາຍ, ​ເຊິ່ງຈະກາຍເປັນເຂດການ​ໝູນວຽນ​ຂອງ e-commerce ລະຫວ່າງປະເທດ​ທີ່ສຳຄັນ​ທີ່ເຊື່ອມຕໍ່ລະຫວ່າງຈີນ-ລາວ ​ແລະ ອາຊຽນ​ໃນອະນາຄົດ.



ຄະນະຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ
Vientiane Spacial Economic Zone Authority
ຕິດຕໍ່ພວກເຮົາ

ເບີໂທ : +856 21 419336
ແຟັກ : +856 21 419336
ອີເມວ : info@vseza.gov.la

ຜູ້ເຂົ້າຊົມເວັບໄຊ

10342
Copyright © 2023 VSEZA , All rights reserved