ສະຖານທີ່ລົງທຶນ
ຄູ່ມື VSEZA
ຕິດຕໍ່ພວກເຮົາຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ລົງກວດກາ ແລະ ອະນາໄມຄອງນໍ້າອ້ອມຮອບເຂດບຶງທາດຫຼວງ ເພື່ອຮອງຮັບການລະບາຍນໍ້າໃນລະດູຝົນນີ້
ໃນວັນທີ 29 ກໍລະກົດ 2025 ທີ່ຜ່ານມາ ທ່ານ ທະນົງໄຊ ຄຸດໄພທູນ, ຫົວໜ້າຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ພ້ອມຄະນະ ໄດ້ລົງເຄື່ອນໄຫວຕິດຕາມສະພາບການລະບາຍນໍ້າ ຢູ່ບໍລິເວດອ້ອມຮອບເຂດໂຄງການພັດທະນາເຂດເສດຖະກິດພິເສດ ບຶງທາດຫຼວງ ນະຄອນຫຼວງວຽງຈັນ ເພື່ອກະກຽມຄວາມພ້ອມໃນການຮອງຮັບ ແລະ ລະບາຍນໍ້າຂອງນະຄອນຫຼວງວຽງຈັນໃນລະດູຝົນປີນີ້.
ສໍາລັບຄອງລະບາຍນໍ້າຢູ່ພາຍໃນເຂດ ບຶງທາດຫຼວງ ຊຶ່ງໄດ້ເລີມເຮັດການອະນາໄມມາແຕ່ກາງເດືອນກໍລະກົດ ແລະ ມາເຖິງປະຈຸບັນແມ່ນໃກ້ຈະສໍາເລັດການລວງອະນາໄມຄອງແລ້ວ ຊຶ່ງຈະເຮັດໃຫ້ບຶງທາດຫຼວງ ສາມາດເປັນບ່ອນຮອງຮັບ ແລະ ລະບາຍນໍ້າຂອງນະຄອນຫຼວງວຽງຈັນ.
ການລົງເຄື່ອນໄຫວວຽກງານຄັ້ງນີ້ ແມ່ນໜຶ່ງໃນຂະບວນການລວມຂອງນະຄອນຫຼວງວຽງຈັນ ເພື່ອຮັບປະກັນການໄຫລ ແລະ ຮອງຮັບນໍ້າໃນລະດູຝົນ ຕາມມະຕິກອງປະຊຸມຂອງນະຄອນຫຼວງວຽງຈັນໃນ ຄັ້ງວັນທີ 26 ກໍລະກົດ 2025.
ຄະນະຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ
Vientiane Spacial Economic Zone Authority
ຕິດຕໍ່ພວກເຮົາ
ເບີໂທ : +856 21 419336
ແຟັກ : +856 21 419336
ອີເມວ : info@vseza.gov.la
ຜູ້ເຂົ້າຊົມເວັບໄຊ
10342
Copyright ©
2023 VSEZA , All rights reserved