ສະຖານທີ່ລົງທຶນ
ຄູ່ມື VSEZA
ຕິດຕໍ່ພວກເຮົາປະທານ ສນຊ ເຂົ້າຮ່ວມກອງປະຊຸມ ລະຫວ່າງ ພັກກອມມູນິດຈີນ ແລະ ພັກການເມືອງໃນອາຊີອາຄະເນ ແລະ ອາຊີໃຕ້
ສະຫາຍ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ (ສນຊ) ໄດ້ນຳພາຄະນະຜູ້ແທນ ພັກ ປປ ລາວ ເຂົ້າຮ່ວມກອງປະຊຸມສົນທະນາ ລະຫວ່າງ ພັກກອມມູນິດຈີນ ແລະ ພັກການເມືອງປະເທດອາຊີອາຄະເນ ແລະ ອາຊີໃຕ້ ຜ່ານວິດີໂອທາງໄກ ຊຶ່ງໄດ້ຈັດຂຶ້ນໃນວັນທີ 9 ກັນຍາ 2021 ຢູ່ໜານນິງ ເຂດປົກຄອງຕົນເອງເຜົ່າຈ້ວງກວາງຊີ ສປ ຈີນ ພາຍໃຕ້ຫົວຂໍ້: “ເພີ່ມທະວີການຮ່ວມມືພັກການເມືອງ ເພື່ອພ້ອມກັນສະແຫວງຫາການພັດທະນາເສດຖະກິດ” ໂດຍການເປັນເຈົ້າພາບຮ່ວມ ຂອງຄະນະພົວພັນຕ່າງປະເທດສູນກາງພັກກອມມູນິດຈີນ ແລະ ຄະນະບໍລິຫານງານພັກເຂດປົກຄອງຕົນເອງ ເຜົ່າຈວ້ງ ກວາງຊີ ຊຶ່ງມີຜູ້ຕາງໜ້າຈາກ 40 ກວ່າພັກການເມືອງ ຈາກ 16 ປະເທດໃນອາຊີອາຄະເນ ແລະ ອາຊີໃຕ້ ແລະ ສປ ຈີນ ເຂົ້າຮ່ວມ.
ສະຫາຍ ສິນລະວົງ ຄຸດໄພທູນ ໄດ້ປະກອບຄຳເຫັນໃນກອງປະຊຸມຜ່ານວິດີໂອທາງໄກ ໂດຍໄດ້ສະແດງຄວາມຊົມເຊີຍວັນສ້າງຕັ້ງພັກກອມມູນິດຈີນ ຄົບຮອບ 100 ປີ ໃນປີ 2021, ໄດ້ຍົກໃຫ້ເຫັນແນວທາງນະໂຍບາຍຂອງ ພັກ ປປ ລາວ ທີ່ຢຶດໝັ້ນການພັດທະນາເສດຖະກິດເປັນໃຈກາງຕິດພັນກັບການພັດທະນາສັງຄົມ ແລະ ປົກປັກຮັກສາສິ່ງແວດລ້ອມ ໄປຕາມທິດການພັດທະນາສີຂຽວ ແລະ ຍືນຍົງ,ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຂອງພັກ ຄັ້ງທີ XI, ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ IX ກໍຄືຍຸດທະສາດການພັດທະນາຮອດປີ 2025 ແລະ ວິໄສທັດ 2030 ຂອງພັກ ໂດຍສະເພາະແມ່ນການນໍາເອົາປະເທດຊາດອອກຈາກສະຖານະດ້ອຍພັດທະນາ, ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ການແກ້ໄຂຄວາມທຸກຍາກຂອງປະຊາຊົນ, ການປະຕິບັດຍຸດທະສາດການເຕີບໂຕສີຂຽວແຫ່ງຊາດ ແລະ ເປົ້າໝາຍການພັດທະນາແບບຍືນຍົງ 2030 ໃຫ້ມີປະສິດທິຜົນສູງ ທັງຮັບປະກັນການສະກັດກັ້ັ້ນການແຜ່ລະບາດຂອງພະຍາດໂຄວິດ-19, ຢຶດໝັ້ນການເສີມຂະຫຍາຍການພົວພັນຮ່ວມມືຫຼາຍຝ່າຍດ້ານພັກລວມທັງການຮ່ວມມືໃນກອບພັກກອມມູນິດຈີນກັບພັກການເມືອງປະເທດອາຊີອາຄະເນແລະ ອາຊີໃຕ້, ການປະສານສົມທົບແໜ້ນລະຫວ່າງຍຸດທະສາດການເຊື່ອມຈອດ ແລະ ເຊື່ອມໂຍງຂອງ ສປປ ລາວ ກັບຂໍ້ລິເລີ່ມໜຶ່ງແລວໜຶ່ງເສັ້ນທາງ (BRI) ເພື່ອຫັນປະເທດທີ່ບໍ່ມີຊາຍແດນຕິດກັບທະເລເປັນປະເທດເຊື່ອມຕໍ່ໃນອະນຸພາກພື້ນອັນພົ້ນເດັ່ນແມ່ນການປະຕິບັດໂຄງການເຊື່ອມຈອດທາງລົດໄຟອາຊຽນສິງກະໂປ-ຄຸນມິງ, ໃນນີ້ ເສັ້ນທາງລົດໄຟລາວ-ຈີນ ແມ່ນໃກ້ຈະສໍາເລັດການກໍ່ສ້າງ ແລະ ມີແຜນເປີດນໍາໃຊ້ໃນຕົ້ນເດືອນທັນວາ 2021 ນີ້; ຢືນຢັນຄວາມໝາຍໝັ້ນຂອງ ພັກ ປປ ລາວ ໃນການສືບຕໍ່ຮ່ວມມືເພື່ອຮັບມືກັບສິ່ງທ້າທາຍຕ່າງໆ ລວມທັງການຮັບມືກັບພະຍາດໂຄວິດ-19 ແລະ ຄັດຄ້ານການຫັນເອົາບັນຫາການຊອກຄົ້ນແຫຼ່ງກຳເນີດຂອງພະຍາດດັ່ງກ່າວມາເປັນບັນຫາການເມືອງ.
ບັນດາຜູ້ແທນກອງປະຊຸມໄດ້ເປັນເອກະພາບກັນຮັບຮອງເອົາຖະແຫຼງການຮ່ວມ ກ່ຽວກັບ ບັນດາຂໍ້ສະເໜີຂອງກອງປະຊຸມດັ່ງກ່າວ ຊຶ່ງມີເນື້ອໃນສຳຄັນໃນການເພີ່ມທະວີການຮ່ວມມືພາກພື້ນ ແລະ ສາກົນ ໃນຂົງເຂດຕ່າງໆລວມທັງ ການຮັບມືກັບພະຍາດໂຄວິດ-19; ການແກ້ໄຂຄວາມທຸກຍາກ; ການຟື້ນຟູເສດຖະກິດ ແລະ ສະຖຽນລະພາບທາງດ້ານສັງຄົມ; ການປະສານສົມທົບແນວຄິດລິເລີ່ມ ໜຶ່ງແລວໜຶ່ງເສັ້ນທາງ ກັບແຜນແມ່ບົດການເຊື່ອມຈອດອາຊຽນ 2025 ແລະ ແລວທາງເສດຖະກິດປະເທດອາຊີອາຄະເນ ແລະ ອາຊີໃຕ້; ການຮັກສາສັນຕິພາບ ແລະ ສະຖຽນລະພາບໃນທະເລຈີນໃຕ້; ເພີ່ມທະວີການແລກປ່ຽນດ້ານທິດສະດີ ແລະ ພຶດຕິກຳ ກ່ຽວກັບການປົກຄອງ; ຖືສຳຄັນການພົວພັນ ແລະ ແລກປ່ຽນລະຫວ່າງ ປະຊາຊົນກັບປະຊາຊົນໃນຂົງເຂດຕ່າງໆ; ສະເໜີລິເລີ່ມເວທີປຶກສາຫາລືການນໍາຮຸ່ນຄົນ ແຊັດ (Generation Z) ສປ ຈີນ-ບັນດາປະເທດອາຊີອາຄະເນ ແລະ ອາຊີໃຕ້; ສົ່ງເສີມການຮ່ວມມືລະດັບອະນຸປະເທດ (ລະຫວ່າງທ້ອງຖິ່ນ) ລະຫວ່າງ ສປ ຈີນ ແລະ ບັນດາປະເທດອາຊີອາຄະເນ ແລະ ອາຊີໃຕ້.
ຂ່າວ-ພາບ: ຄຕພ
ຄະນະຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ
Vientiane Spacial Economic Zone Authority
ຕິດຕໍ່ພວກເຮົາ
ເບີໂທ : +856 21 419336
ແຟັກ : +856 21 419336
ອີເມວ : info@vseza.gov.la
ຜູ້ເຂົ້າຊົມເວັບໄຊ
6552
Copyright ©
2023 VSEZA , All rights reserved