LA 

ໜ່ວຍພັກຮາກຖານ ຄຂສພ ນະຄອນຫຼວງວຽງຈັນ ຈັດກອງປະຊຸມການປະເມີນສະມາຊິກພັກ ແລະ ໜ່ວຍພັກປອດໃສ ເຂັ້ມແຂງ ໜັກແໜ້ນ

   

          ໃນຕອນເຊົ້າຂອງວັນທີ 17 ພະຈິກ 2021 ທີ່ຫ້ອງການ ຄະນະຄຸ້ມຄອງເຂດເຂດເສດຖະກິດພິເສດ ນະຄອນຫຼວງວຽງຈັນ (ຄຂສພ.ນວ) ໄດ້ຈັດກອງປະຊຸມປະເມີນສະມາຊິກພັກ ແລະ ໜ່ວຍພັກປອດໃສ ເຂັ້ມແຂງ ໝັກແໜ້ນ ພາຍໃຕ້ການເປັນປະທານຂອງ ສະຫາຍ ທະນົງໄຊ ຄຸດໄພທູນ, ເລຂາໜ່ວຍພັກ, ຫົວໜ້າ ຄຂສພ.ນວ ໂດຍມີຕ່າງໜ້າຈາກ ຄະນະຈັດຕັ້ງ ແລະ ຄະນະກວດກາ ນະຄອນຫຼວງວຽງຈັນ ພ້ອມດ້ວຍ ບັນດາສະຫາຍພາຍໃນໜ່ວຍພັກ ຄຂສພ.ນວ ເຂົ້າຮ່ວມ.
ໃນກອງປະຊຸມສະຫາຍເລຂາໜ່ວຍພັກ, ຫົວໜ້າ ຄຂສພ.ນວ ໄດ້ກ່າວວ່າ ໂດຍປະຕິບັດຕາມຄຳສັ່ງຂອງກົມການເມືອງສູນກາງພັກ ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ສະບັບເລກທີ 01/ກມສພ, ລົງວັນທີ 03 ມັງກອນ 2018; ຄຳແນະນຳຂອງຄະນະຈັດຕັ້ງສູນກາງພັກ ສະບັບເລກທີ 291/ຄຈສພ, ລົງວັນທີ 26 ເມສາ 2018 ແລະ ແຈ້ງການຂອງຄະນະຈັດຕັ້ງ ນະຄອນຫຼວງວຽງຈັນ ວ່າດ້ວຍການກວດກາ, ຕີລາຄາຜົນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2021 ສະບັບເລກທີ 971/ຄຈ.ນວ, ລົງວັນທີ 9 ກັນຍາ 2021. ໂດຍອີງໃສ່ເນື້ອໃນດັ່ງກ່າວ ໜ່ວຍພັກຮາກຖານ ຄຂສພ.ນວ ຈິ່ງໄດ້ຈັດກອງປະຊຸມການປະເມີນສະມາຊິກພັກ ແລະ ໜ່ວຍພັກປອດໃສ ເຂັ້ມແຂງ ໜັກແໜ້ນ ເພື່ອສະຫຼຸບຕີລາຄາການຈັດຕັ້ງປະຕິບັດແຜນການ, ຕີລາຄາຄຸນນະພາບ ແລະ ແບ່ງປະເພດສະມາຊິກພັກ ແລະ ໜ່ວຍພັກ.
          ສໍາລັບການຕີລາຄາຄຸນນະພາບ ແລະ ແບ່ງປະເພດສະມາຊິກພັກ ແລະ ຫນ່ວຍພັກຄັ້ງນີ້ ແມ່ນຢູ່ບົນພື້ນຖານການສະຫລຸບຕີລາຄາການເຄື່ອນໄຫວຊີ້ນຳ-ນຳພາຈັດຕັ້ງປະຕິບັດແຜນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ແລະ ຜົນສຳເລັດການປະຕິບັດໜ້າທີ່ວຽກງານແຕ່ລະດ້ານຂອງສະມາຊິກພັກ ແລະ ຫນ່ວຍພັກ ເປັນໄມ້ຫລາວັດແທກຄຸນນະພາບຂອງສະມາຊິກ ແລະ ໜ່ວຍພັກ ໂດຍສະເພາະແມ່ນ 5 ເນື້ອໃນຂອງຄຳສັ່ງກົມການເມືອງສູນກາງພັກ ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, 5 ໜ້າທີ່ ແລະ 9 ຂໍ້ຫ້າມຂອງສະມາຊິກພັກທີ່ໄດ້ກຳນົດໄວ້ໃນລະບຽບພັກ ໃຫ້ໄດ້ປະສິດຕິພາບສູງສຸດ.
ພາຍຫຼັງສັງລວມຜົນຂອງກອງປະຊຸມແລ້ວ ໜ່ວຍພັກ ຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ຈະໄດ້ລາຍງານຕໍ່ອົງຄະນະພັກນະຄອນຫຼວງວຽງຈັນ ເພື່ອພິຈາລະນາຮັບຮອງໃນຂັ້ນຕໍ່ໄປ.



ຄະນະຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ
Vientiane Spacial Economic Zone Authority
ຕິດຕໍ່ພວກເຮົາ

ເບີໂທ : +856 21 419336
ແຟັກ : +856 21 419336
ອີເມວ : info@vseza.gov.la

ຜູ້ເຂົ້າຊົມເວັບໄຊ

6552
Copyright © 2023 VSEZA , All rights reserved