ສະຖານທີ່ລົງທຶນ
ຄູ່ມື VSEZA
ຕິດຕໍ່ພວກເຮົາຄະນະຄຸ້ມຄອງເຂດເສດຖະກິດພິເສດ ນະຄອນຫລວງວຽງຈັນ ຈັດກອງປະຊຸມທາບທາມສ້າງແຜນກຳນົດພະນັກງານນຳພາ-ຄຸ້ມຄອງ
ໃນຄັ້ງວັນທີ 15 ພະຈິກ 2021 ຄະນະຄຸ້ມຄອງເຂດເສດຖະກິດພິເສດ ນະຄອນຫລວງວຽງຈັນ (ຄຂສພ.ນວ) ຈັດກອງປະຊຸມທາບທາມສ້າງແຜນກຳນົດພະນັກງານນຳພາ-ຄຸ້ມຄອງຂຶ້ນທີ່ຫ້ອງການຂອງຕົນ ໂດຍພາຍໃຕການເປັນປະທານຂອງ ທ່ານ ວິລະສັກ ນາມມຸນຕີ, ກຳມະການປະຈໍາພັກ, ປະທານຄະນະກວດກາພັກ-ລັດ ນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານ ທະນົງໄຊ ຄຸດໄພທູນ, ເລຂາໜ່ວຍພັກ, ຫົວໜ້າຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ, ມີຕາງໜ້າຈາກ ຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ, ກະຊວງແຜນການ ແລະ ການລົງທຶນ, ຄະນະຈັດຕັ້ງ ນວ, ພະແນກພາຍໃນ ນວ, ຮອງຫົວຫນ້າ ຄຂສພ.ນວ ແລະ ພະນັກງານທັງຫມົດຂອງ ຄຂສພ.ນວ ເຂົ້າຮ່ວມ.
ໃນພິທີປະທານກອງປະຊຸມໄດ້ກ່າວວ່າ ໂດຍອີງຕາມແຈ້ງການຂອງຄະນະຈັດຕັ້ງນະຄອນຫຼວງວຽງຈັນ ສະບັບເລກທີ 1040/ຄຈນວ, ລົງວັນທີ 01 ຕຸລາ 2021 ເພື່ອກະກຽມສ້າງແຜນກຳນົດພະນັກງານນຳພາ-ຄຸ້ມຄອງ ຢູ່ເມືອງ, ພະແນກການ, ອົງການທຽບເທົ່າ ແລະ ຫ້ອງການ ອ້ອມຂ້າງນະຄອນຫຼວງວຽງຈັນ. ໃນນັ້ນ ຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ກໍແມ່ນກົງຈັກການຈັດຕັ້ງໜຶ່ງທີ່ນອນໃນອົງການປົກຄອງນະຄອນຫຼວງວຽງຈັນ ທີ່ຈະຕ້ອງໄດ້ຜັນຂະຫຍາຍແຈ້ງການດັ່ງກ່າວໃຫ້ດຳເນີນໄປຕາມຂະບວນການລວມ ແລະ ສໍາເລັດຕາມກຳນົດເວລາ. ອີກດ້ານໜຶ່ງຂ້າພະເຈົ້າເຫັນວ່າການສ້າງແຜນກຳນົດພະນັກງານນໍາພາ-ຄຸ້ມຄອງ ແມ່ນວຽກງານໜຶ່ງທີ່ສໍາຄັນ ເນື່ອງຈາກການວຽກງານໃດໆກໍ່ຕາມ ຫາກຂາດການຊີ້ນໍາ-ນໍາພາແລ້ວ ແມ່ນຢາກທີ່ຈະປະສົບຜົນສໍາເລັດ. ສະນັ້ນ ຂ້າພະເຈົ້າຂໍຮຽກຮ້ອງມາຍັງພະນັກງານຫຼັກແຫຼ່ງທຸກສະຫາຍຈົ່ງໄດ້ເອົາໃຈໃສ່ ແລະ ປະກອບຄໍາຄິດເຫັນໃຫ້ເອກະສານຕ່າງໆດ້ວຍຄວາມຮັບຜິດຊອບສູງ.
ໃນຕອນທ້າຍຂອງກອງປະຊຸມໄດ້ກ່າວຕື່ມວ່າ ຜ່ານການລົງຕິດຕາມການດຳເນີນການທາບທາມສ້າງແຜນກຳນົດພະນັກງານນໍາພາ-ຄຸ້ມຄອງ ຢູ່ທີ່ ຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ເຫັນວ່າມີການດຳເນີນໄປຕາມຂັ້ນຕອນ, ມາດຖານເງື່ອນໄຂຕາມທີ່ໄດ້ລະບຸໄວ້ ໃນບັນດາເອກະສານນໍາພາ-ຄຸ້ມຄອງ ທີ່ອົງການຈັດຕັ້ງນະຄອນຫຼວງວຽງຈັນວາງອອກ.
ຄະນະຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ
Vientiane Spacial Economic Zone Authority
ຕິດຕໍ່ພວກເຮົາ
ເບີໂທ : +856 21 419336
ແຟັກ : +856 21 419336
ອີເມວ : info@vseza.gov.la
ຜູ້ເຂົ້າຊົມເວັບໄຊ
6552
Copyright ©
2023 VSEZA , All rights reserved