LA 

ຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ມອບໂທລະໂຄ່ງໃຫ້ກັບເມືອງບຸນເໜືອ, ແຂວງຜົ້ງສາລີ

   

ຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ (ຄຂສພ.ນວ) ພ້ອມດ້ວຍສາມອົງການຈັດຕັ້ງມະຫາຊົນຂອງຕົນ ໄດ້ມອບເຄື່ອງຊ່ວຍເຫຼືອ ປະເພດອຸປະກອນສື່ສານ ໂທລະໂຄ່ງ ຈໍານວນ 2 ຊຸດ, 4 ໜ່ວຍ ລວມມູນຄ່າ 10 ລ້ານກີບ.
ພິທີມອບ-ຮັບເຄື່ອງດັ່ງກ່າວໄດ້ມີຂື້ນໃນວັນທີ 21 ສິງຫາ 2023 ທີ່ຫ້ອງການ ຄຂສພ.ນວ ໂດຍການເປັນກຽດມອບຂອງ ທ່ານ ທະນົງໄຊ ຄຸດໄພທູນ, ຫົວໜ້າ ຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ (ຄຂສພ.ນວ) ແລະ ກ່າວຮັບໂດຍທ່ານ ພອນໄຊ ແກ້ວສົມພັນ, ເຈົ້າເມືອງເມືອງບຸນເໜືອ, ແຂວງຜົ້ງສາລີ ໂດຍຊ້ອງໜ້າພະນັກງານຫຼັກແຫຼ່ງ ແລະ ຕ່າງໜ້າອົງການຈັດຕັ້ງມະຫາຊົນເຂົ້າຮ່ວມເປັນສັກຂີພະຍານ.
ຈຸດປະສົງຂອງການມອບເຄື່ອງຊ່ວຍເຫຼືອໃນຄັ້ງນີ້ ກໍ່ເພື່ອປະກອບສ່ວນໃຫ້ອຳນາດການປົກຄອງເມືອງບຸນເໜືອ ນໍາໃຊ້ເປັນເຄື່ອງມືໃນການໂຄສະນາປະຊາສໍາພັນວຽກງານຕ່າງໆ ໂດຍສະເພາະແນວທາງນະໂຍບາຍຕ່າງໆທີ່ພັກ ແລະ ລັດຖະບານ ກຳນົດອອກມາແຕ່ລະໄລຍະ ໃຫ້ສາມາດເຂົ້າເຖິງປະຊາຊົນໄດ້ສະດວກຍິ່ງຂຶ້ນ.



ຄະນະຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ
Vientiane Spacial Economic Zone Authority
ຕິດຕໍ່ພວກເຮົາ

ເບີໂທ : +856 21 419336
ແຟັກ : +856 21 419336
ອີເມວ : info@vseza.gov.la

ຜູ້ເຂົ້າຊົມເວັບໄຊ

6663
Copyright © 2023 VSEZA , All rights reserved