ໃນກອງປະຊຸມ, ທ່ານ ລັດສະໝີ ສູນດາລາ ຮອງຫົວໜ້າຄະນະປ້ອງກັນຄວາມສະ ຫງົບ ປະຈຳຄະນະຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ ໄດ້ຜ່ານບົດສະຫຼຸບໃຫ້ຮູ້ກ່ຽວກັບການປະຕິບັດວຽກງານປ້ອງກັນທັງ 5 ເຂດ ເສດຖະກິດພິເສດ ນະ ຄອນຫຼວງວຽງຈັນ; ເຊິ່ງພະນັກງານແຕ່ລະສະຫາຍທີ່ປະຈຳຢູ່ແຕ່ລະເຂດແມ່ນມີແນວຄິດອຸນອຽນທຸ່ນທ່ຽງ ມີຄວາມຫ້າວຫັນໃນການປະຕິບັດໜ້າທີ່ວຽກງານທີ່ທາງການຈັດຕັ້ງຂັ້ນເທິງມອບໝາຍໃຫ້ເຄື່ອນໄຫວຕາມການຈັດຕັ້ງປະຕິບັດສິດໜ້າທີ່ພາລະບົດບາດຂອງຕົນ ໃນການປ້ອງກັນເວນຍາມຢູ່ພາຍໃນເຂດເສດຖະກິດພິເສດ ນະຄອນຫຼວງວຽງຈັນ ທຸກໆວັນ ເຮັດໃຫ້ມີຄວາມສະຫງົບປອດໄພ ໂດຍໄດ້ມີ ການປະສານງານພົວພັນກັບທຸກພາກສ່ວນທີ່ກ່ຽວຂ້ອງ ເພື່ອແກ້ໄຂສະພາບການທີ່ເກີດຂຶ້ນໄດ້ວ່ອງໄວ, ທັນເວລາ, ຖືກຕ້ອງກັບລະບຽບຫຼັກງານ ແລະ ມີປະສິດທິພາບ.

ໄລຍະ 9 ເດືອນຜ່ານມາ, ສາມາດແກ້ໄຂປະກົດການຫຍໍ້ທໍ້ທີ່ເກີດຂຶ້ນໄດ້ 105 ເລື່ອງ ໃນຈຳນວນທີ່ເກີດຂຶ້ນທັງໝົດ 196 ເລື່ອງ; ໃນນີ້, ມີເຂດພັດທະນາກວມລວມໄຊເຊດຖາ ຈຳນວນ 44 ເລື່ອງ ແກ້ໄຂໄດ້ 11 ເລື່ອງ; ເຂດໂລຊິດສະຕິກ ນະຄອນຫຼວງວຽງຈັນ ຈຳນວນ 56 ເລື່ອງ ແກ້ໄຂໄດ້ທັງໝົດ; ເຂດເສດຖະກິດພິເສດ ບຶງທາດຫຼວງ ຈຳນວນ 70 ເລື່ອງ ແກ້ໄຂໄດ້ 31 ເລື່ອງ; ເຂດເສດຖະກິດພິເສດລອງແທ່ງ-ວຽງຈັນ ຈຳກນວນ 26 ເລື່ອງ ແກ້ໄຂໄດ້ 7 ເລື່ອງ; ເຂດເສດຖະກິດພິເສດ ດົງໂພສີ ຈະມີພະ ນັກງານຮັກສາຄວາມປອດໄພປະຈຳຢູ່ ແລະ ກຳລັງຢູ່ໃນຂັ້ນຕອນປະເມີນຂອງເຂດ.

ສຳລັບທິດທາງແຜນການທ້າຍປີ 2023, ພະນັກງານປ້ອງກັນຄວາມສະຫງົບ ໃນແຕ່ລະເຂດຈະສືບຕໍ່ປະຈຳການໃຫ້ເປັນປົກະຕິ, ສີືບຕໍ່ປ້ອງກັນຄວາມສະຫງົບພາຍ ໃນເຂດໃຫ້ມີຄວາມຮັບປະກັນປອດໄພ 100% ໂດຍມີການປະສານສົມທົບພາກສ່ວນທີ່ກ່ຽວຂ້ອງໃຫ້ເປັນປົກກະຕິ.