ຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ (ຄຂສພ.ນວ) ພ້ອມດ້ວຍສາມອົງການຈັດຕັ້ງມະຫາຊົນຂອງຕົນ ໄດ້ມອບເຄື່ອງຊ່ວຍເຫຼືອ ປະເພດເຄື່ອງອຸປະໂພກບໍລິໂພກ ເປັນຕົ້ນແມ່ນ ນໍ້າດຶ່ມ, ອາຫານແຫ້ງ, ຢາປົວພະຍາດ ແລະ ເຄື່ອງໃຊ້ສອຍຈໍານວນໜຶ່ງ ຫຼາຍກວ່າ 10 ລາຍການ ຕົກເປັນມູນຄ່າລວມ 30,000,000 ກີບ ໃຫ້ປະຊາຊົນທີ່ປະສົບກັບໄພນໍ້າຖ້ວມ.
   ພິທີມອບ-ຮັບເຄື່ອງດັ່ງກ່າວໄດ້ມີຂື້ນໃນຕອນເຊົ້າຂອງວັນທີ 17 ສິງຫາ 2024 ທີ່ຫ້ອງການປົກຄອງເມືອງສັງທອງ ນະຄອນຫຼວງວຽງຈັນ. ໂດຍໃຫ້ກຽດມອບຂອງ ທ່ານ ທະນົງໄຊ ຄຸດໄພທູນ, ຫົວໜ້າ ຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ (ຄຂສພ.ນວ) ແລະ ຮັບໂດຍ ທ່ານ ພົງສະຫວັນ ສີລິພັນ, ເຈົ້າເມືອງເມືອງສັງທອງ, ນະຄອນຫຼວງວຽງຈັນ ໂດຍຊ້ອງໜ້າພະນັກງານຫຼັກແຫຼ່ງ ແລະ ຕ່າງໜ້າອົງການຈັດຕັ້ງມະຫາຊົນເຂົ້າຮ່ວມເປັນສັກຂີພະຍານ.
   ຈຸດປະສົງຂອງການມອບເຄື່ອງຊ່ວຍເຫຼືອໃນຄັ້ງນີ້ ກໍ່ເພື່ອເປັນການປະກອບສ່ວນບັນເທົາທຸກເບື້ອງຕົ້ນໃຫ້ແກ່ຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມ ໃນຕົ້ນເດືອນກັນຍາ 2024 ນີ້ ໂດຍສະເພາະແມ່ນປະຊາຊົນທີ່ອາໃສຢູ່ລຽບຕາມລໍາແມ່ນໍ້າຂອງໃຫ້ສາມາດກັບມາໃຊ້ຊີວິດປົກກະຕິໂດຍໄວ.