LA 

ພິທິເຊັນບົດບັນທຶກການຮ່ວມມື ທາງດ້ານວິຊາການລະຫວ່າງ ຄະນະຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ ແລະ ຄະນະວິທະຍາສາດສິ່ງແວດລ້ອມ, ມະຫາວິທະຍາໄລແຫ່ງຊາດ

   

ພິທິເຊັນບົດບັນທຶກການຮ່ວມມື ທາງດ້ານວິຊາການລະຫວ່າງ ຄະນະຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ ແລະ ຄະນະວິທະຍາສາດສິ່ງແວດລ້ອມ, ມະຫາວິທະຍາໄລແຫ່ງຊາດ
=====ooooo=====
ໃນວັນທີ 17 ມັງກອນ 2025 ຜ່ານມາ, ຄະນະຄຸ້ມຄອງເຂດເສດຖະກິດພິເສດນະຄອນຫລວງວຽງຈັນ ແລະ ຄະນະວິທະຍາສາດສິ່ງແວດລ້ອມ, ມະຫາວິທະຍາໄລແຫ່ງຊາດ ແລະ ໄດ້ຈັດພິທີເຊັນບົດບັນທຶກການຮ່ວມມືທາງດ້ານວິຊາການຂຶ້ນ, ຕາງຫນ້າຄະນະຄຸ້ມຄອງເຂດເສດຖະກິດພິເສດນະຄອນຫລວງວຽງຈັນ ໂດຍແມ່ນ ທ່ານ ທະນົງໄຊ ຄຸດໄພທູນ ກຳມະການພັກນະຄອນຫຼວງວຽງຈັນ, ຫົວໜ້າຄະນະຄຸ້ມຄອງເຂດເສດຖະກິດພິເສດ ນະຄອນຫລວງວຽງຈັນ ແລະ ຕາງໜ້າຄະນະວິທະຍາສາດສິ່ງແວດລ້ອມໂດຍແມ່ນ ທ່ານ ຮສ.ປອ. ໄກສອນ ເພັງໂສພາ ເລຂາຄະນະພັກຮາກຖານ ຄະນະບໍດີ ຄະນະວິທະຍາສາດສິ່ງແວດລ້ອມ (ຄສວ) ມະຫາວິທະຍາໄລແຫ່ງຊາດ(ມຊ). ນອກຈາກນີ້ ຍັງມີບັນດາຄະນະນຳ ແລະ ພະນັກງານທັງສອງຝ່າຍກໍ່ໃຫ້ກຽດເຂົ້າຮ່ວມຢ່າງພ້ອມພຽງ.
ໃນພິທີທ່ານ ຮສ ປອ ໄກສອນ ເພັງໂສພາ ເລຂາຄະນະພັກຮາກຖານ ຄະນະບໍດີ ຄະນະວິທະຍາສາດສິ່ງແວດລ້ອມ ໄດ້ກ່າວຕ້ອນຮັບເເຂກ ແລະລາຍງານໂດຍຫຍໍ້ກ່ຽວກັບສະພາບລວມຂອງຄະນະວິທະຍາສາດສິ່ງແວດລ້ອມ ພ້ອມທັງກ່າວມີຄຳເຫັນກ່ຽວກັບຄວາມມຸ່ງຫວັງໃນການຮ່ວມມືທາງດ້ານວິຊາການຂອງທັງສອງຝ່າຍເຊັ່ນ: ດ້ານເຕັກນິກ-ວິຊາການ ກ່ຽວກັບການຈັດການສິ່່ງແວດລ້ອມ ໃນເຂດເສດຖະກິດພິເສດ ຂອງນະຄອນຫລວງວຽງຈັນ (ການບຳບັດນ້ຳເສຍ, ມົນລະພິດທາງອາກາດ, ມົນລະພິດທາງສຽງ, ການຈັດການສິ່ງເສດເຫຼືອຈາກໂຮງງານ ແລະອື່ນໆ ທີ່ຕິດພັນກັບວຽກງານສິ່ງແວດລ້ອມ); ດ້ານການສ້າງຄວາມເຂັ້ມແຂງໃຫ້ແກ່ຂະແໜງສິ່ງແວດລ້ອມ ຂອງຄະນະຄຸ້ມຄອງເສດຖະກິດພິເສດ ນະຄອນຫຼວງວຽງຈັນ ໂດຍການຈັດຝຶກອົບຮົມໄລຍະສັ້ນ, ໄລຍະຍາວ ການສົ່ງພະນັກງານມາຍົກລະດັບ ແລະ ການສົ່ງຊ່ຽວຊານ ຄສວ ເພື່ອໃຫ້ຄຳເເນະນຳໃນການແກ້ໄຂບັນຫາສິ່ງແວດລ້ອມ; ທັງເປັນການສ້າງໂອກາດໃຫ້ ນັກສຶກສາ ຄະນະວິທະຍາສາດສິ່ງແວດລ້ອມ ໄດ້ມີວຽກເຮັດງານທໍາ, ມີລາຍຮັບໃນໄລຍະການຮຽນ, ສ້າງທັກສະ ແລະປະສົບການ ໃຫ້ແກ່ນັກສຶກສາ ໄດ້ມີວຽກເຮັດງານທຳພາຍຫຼັງຈົບ; ດ້ານການຮ່ວມໃນການດຶງດູດ ເອົາພະນັກງານ​ ພາຍໃນໂຮງງານ ທີ່ມີລະດັບການສຶກສາຈົບ ມ7 ຂຶ້ນໄປ ມາຍົກລະດັບດ້ານວິຊາສະເພາະ ຢູ່ ຄະນະວິທະຍາສາດສິ່ງແວດລ້ອມ.
ນອກຈາກນັ້ນ ທາງຄະນະຄຸ້ມຄອງເຂດເສດຖະກິດພິເສດ ນະຄອນຫລວງວຽງຈັນ ຕາງຫນ້າໂດຍ ທ່ານ ທະນົງໄຊ ຄຸດໄພທູນ ກຳມະການພັກນະຄອນຫຼວງວຽງຈັນ, ຫົວໜ້າຄະນະຄຸ້ມຄອງເຂດເສດຖະກິດພິເສດ ນະຄອນຫລວງວຽງຈັນ ກໍ່ໄດ້ລາຍງານສະພາບລວມໂດຍຫຍໍ້ຂອງເຂດພ້ອມທັງລາຍງານບັນຫາແລະຂໍ້ສະດວກທີ່ທາງເຂດກຳລັງປະເຊີນຢູ່ ພ້ອມທັງຍົກໃຫ້ເຫັນບາງຈຸດທີ່ຈະໄດ້ຮ່ວມກັນໃນການໃນການແລກປ່ຽນແລະຮ່ວມມືແກ້ໄຂຮ່ວມກັນໃນອານາຄົດ ຕາມເນື້ອໃນ ເເລະກິດຈະກຳທີ່ທັງສອງຝ່າຍໄດ້ຕົກລົງກັນໃນບົດບັນທຶກການຮ່ວມມືທາງດ້ານວິຊາການ.
ໃນຕ້ອນທ້າຍທັງສອງຝ່າຍກໍ່ໄດ້ມີພິທີລົງນາມໃນບົດບັນທຶກການຮ່ວມທືທາງດ້ານວິຊາການ ໂດຍໃຫ້ກຽດເຊັນໂດຍທ່ານ ຮສ ປອ ໄກສອນ ເພັງໂສພາ ເລຂາຄະນະພັກ ຄະນະບໍດີ ຄະນະວິທະຍາສາດສິ່ງແວດລ້ອມ ແລະ ທ່ານ ທະນົງໄຊ ຄຸດໄພທູນ ກຳມະການພັກນະຄອນຫຼວງວຽງຈັນ, ຫົວໜ້າຄະນະຄຸ້ມຄອງເຂດເສດຖະກິດພິເສດ ນະຄອນຫລວງວຽງຈັນ ໂດຍມີພະນັກງານທັງສອງຝ່າຍຮ່ວມເປັນສັກຂີພິຍານ.
ພາຍຫລັງບົດບັນທຶກຄວາມເຂົ້າໃຈ ວ່າດ້ວຍການຮ່ວມມືວິຊາການ ໄດ້ເຊັນຮັບຮອງເເລ້ວທັງສອງຝ່າຍຈະໄດ້ເເຕ່ງຕັ້ງຄະນະຮັບຜິດຊອບເພື່ອປະສານງານ ແລະ ເຮັດວຽກຮ່ວມກັນເພື່ອເຮັດໃຫ້ບົດບັນທຶກວ່າດ້ວຍການຮ່ວມມືທາງວິຊາການ ໄດ້ຖຶກຜັນຂະຫຍາຍ ແລະ ຈັດຕັ້ງປະຕິບັດຕາມເນື້ອໃນ ເເລະ ຈຸດປະສົງທີ່ວາງໄວ້.



ຄະນະຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ
Vientiane Spacial Economic Zone Authority
ຕິດຕໍ່ພວກເຮົາ

ເບີໂທ : +856 21 419336
ແຟັກ : +856 21 419336
ອີເມວ : info@vseza.gov.la

ຜູ້ເຂົ້າຊົມເວັບໄຊ

7836
Copyright © 2023 VSEZA , All rights reserved