ສະຖານທີ່ລົງທຶນ
ຄູ່ມື VSEZA
ຕິດຕໍ່ພວກເຮົາຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ສະຫລຸບຖອດຖອນບົດຮຽນການຈັດຕັ້ງປະຕິບັດມາດຕະການປ້ອງກັນໂຄວິດ-19 ຢູ່ເຂດເສດຖະກິດພິເສດ ນະຄອນຫຼວງວຽງຈັນ
ໃນຕອນບ່າຍຂອງວັນທີ 29 ຕຸລາ 2021 ຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ (ຄຂສພ.ນວ) ໄດ້ຈັດກອງປະຊຸມສະຫລຸບຖອດຖອນບົດຮຽນພາຍໃນຂອງຕົນໃນການລົງປະເມີນການຈັດຕັ້ງປະຕິບັດມາດຕະການປ້ອງກັນໂຄວິດ-19 ຢູ່ບັນດາບໍລິສັດ, ໂຮງຈັກໂຮງງານ ແລະ ໂຄງການກໍ່ສ້າງຕ່າງໆຢູ່ ໃນເຂດເສດຖະກິດພິເສດ ນະຄອນຫຼວງວຽງຈັນ (ຂສພ.ນວ) ພາຍໃຕ້ການເປັນປະທານຂອງ ທ່ານ ທະນົງໄຊ ຄຸດໄພທູນ, ຫົວໜ້າ ຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ໂດຍມີພະນັກງານຫຼັກແຫຼ່ງພາຍໃນເຂົ້າຮ່ວມ.
ພາຍຫຼັງທີ່ໄດ້ຮັບຟັງການລາຍງານຈາກກອງເລຂາ ຄະນະສະເພາະກິດ ຄຂສພ.ນວ ໃນການລົງຕິດຕາມກວດກາ ແລະ ປະເມີນວຽກງານຕົວຈິງຢູ່ບັນດາບໍລິສັດ, ໂຮງຈັກໂຮງງານ ແລະ ໂຄງການກໍ່ສ້າງໃນ ຂສພ.ນວ ທ່ານ ທະນົງໄຊ ຄຸດໄພທູນ ໄດ້ກ່າວວ່າ ພາຍຫຼັງທີ່ໄດ້ພົບການລະບາດຂອງພະຍາດ COVID-19 ຮອບໃໝ່ຢູ່ນະຄອນຫຼວງວຽງຈັນ ໃນກາງເດືອນກັນຍາ 2021. ທ່ານເຈົ້າຄອງນະຄອນຫຼວງວຽງຈັນ ໄດ້ອອກແຈ້ງການສະບັບເລກທີ 016/ຈນວ, ລົງວັນທີ 19 ກັນຍາ 2021 ຈົນກ້າວມາສູ່ການສຶບຕໍ່ຈັດຕັ້ງປະຕິບັດມາດຕະການດັ່ງກ່າວມາເຖິງປະຈຸບັນ ໄດ້ກາຍເປັນສິ່ງທ້າທາຍສໍາລັບພວກເຮົາສົມຄວນ ເນື່ອງຈາກພວກເຮົາ ມີແຮງງານໃນເຂດຫຼາຍກວ່າ 5 ພັນຄົນ ໃນ 176 ບໍລິສັດ. ເພື່ອຮັບປະກັນການປ້ອງກັນພະຍາດ COVID-19 ໄປພ້ອມກັບການເຮັດແນວໃດ ໃຫ້ບັນດາວິສາຫະກິດສາມາດສືບຕໍ່ປະຕິບັດແຜນການຜະລິດຂອງຕົນ. ຊຶ່ງພວກເຮົາໄດ້ມີຄວາມຕັດສິນໃຈສູງ ບົນພຶ້ນຖານການຊີ້ນໍາຂອງຂັ້ນເທິງ ໂດຍຮູບການສົມທົບໄວ ກັບຄະນະສະເພາະກິດປ້ອງກັນພະຍາດ COVID-19 ນະຄອນຫຼວງວຽງຈັນ ແລະ ຂະແໜງການທີ່ກ່ຽວຂ້ອງລົງປະເມີນ ແລະ ພິຈາລະນາອະນຸຍາດໃຫ້ບັນດາບໍລິສັດວິສາຫະກິດ ຈໍານວນໜຶ່ງທີ່ສາມາດປະຕິບັດເງື່ອນໄຂມາດຖານປ້ອງກັນໂຄວິດ-19 ທີ່ກະຊວງສາທາລະນະສຸກວາງອອກ.
ສະນັ້ນ ມາເຖິງປະຈຸບັນວິສາຫະກິດຈໍານວນໜຶ່ງແມ່ນສາມາດດຳເນີນການຜະລິດໄດ້ ໂດຍສະເພາະໂຮງງານຫົວອາຫານທີ່ຕ້ອງສະໜອງໃຫ້ກັບສັງຄົມໃນການລ້ຽງສັດ ລວມເຖິງໂຮງງານທີ່ຜະລິດອຸປະກອນການແພດ, ຢາປົວພະຍາດ ແລະ ໂຮງງານທີ່ມີພັນທະສັນຍາສົ່ງມອບຜະລິດຕະພັນອອກໃຫ້ແກ່ລູກຄ້າຕ່າງປະເທດ. ແຕ່ເຖິງຢ່າງໃດກໍຕາມເພື່ອຮັບປະກັນການປ້ອງກັນພະຍາດຕິດແປດໂຄວູດ-19 ແຜ່ລະບາດໃນບັນດາໂຮງຈັກໂຮງງານ ໃນ ຂສພ.ນວ ມັນຮຽກຮ້ອງໃຫ້ພວກເຮົາຈະຕ້ອງໄດ້ເບິ່ງຄືນຫຼາຍບັນຫາເພື່ອປັບປຸງວຽກງານຕໍ່ໜ້າໃຫ້ດີຂຶ້ນ ເປັນຕົ້ນແມ່ນ ການສືບຕໍ່ປະຕິບັດມາດຕະການຂອງໂຮງຈັກໂຮງງານທີ່ໄດ້ຮັບອະນຸມຍາດແລ້ວ ແລະ ໂຮງງານທີ່ບໍ່ສາມາດເປີດໄດ້ໃນໄລຍະປະຕິບັດມາດຕະການ ເຮົາຈະມີວິທີການ ຫຼື ມາດຕະການໃນການຊ່ວຍເຂົາເຈົ້າຄືແນວໃດ ເພື່ອໃຫ້ສາມາດກັບມາເປີດໄດ້ຢ່າງເປັນປົກກະຕິດ. ໄປຄຽງຄູ່ກັບການມີມາດຕະການປ້ອງກັນໃນການລົງກວດກາບັນດາໂຮງຈັກໂຮງງານໂດຍສະເພາະ ຄະນະກຳມະການທີ່ຈະລົງກວດກາແມ່ນຕ້ອງມີຄວາມພ້ອມ ແລະ ຮັບປະກັນຄວາມປອດໄພ ແລະ ການຕິດຕາມລາຍງານຂໍ້ມູນໃຫ້ພາກສ່ວນທີ່ກ່ຽວຂ້ອງ.
ນອກຈາກການແລກປ່ຽນບົດຮຽນໃນການຮັບມືກັບພະຍາດ COVID-19 ແລ້ວ, ກອງປະຊຸກຄັ້ງນີ້ ໄດ້ຖືໂອກາດປຶກສາຫາລືແລກປ່ຽນຄໍາຄິດເຫັນຕໍ່ການຈັດຕັ້ງປະຕິບັດວຽກງານທີ່ຕິດພັນກັບວາລະແຫ່ງຊາດ ຊຶ່ງກອງປະຊຸມໄດ້ຮຽກຮ້ອງໃຫ້ພະນັກງານຫຼັກແຫຼ່ງທຸກສະຫາຍ ໃຫ້ເອົາໃຈໃສສືບຕໍ່ຕິດຕາມແຕ່ລະໂຄງການ ໃຫ້ມີການລາຍງານຄວາມຄືບໜ້າຢ່າງເປັນປົກກະຕິ ພ້ອມທັງລາຍງານອົງການປົກຄອງນະຄອນຫຼວງ ແລະ ສູນກາງ.
ຄະນະຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ
Vientiane Spacial Economic Zone Authority
ຕິດຕໍ່ພວກເຮົາ
ເບີໂທ : +856 21 419336
ແຟັກ : +856 21 419336
ອີເມວ : info@vseza.gov.la
ຜູ້ເຂົ້າຊົມເວັບໄຊ
6552
Copyright ©
2023 VSEZA , All rights reserved